“Jemi mes dy zjarreve”/ Rama: Ja pse binda Bashën dhe nuk binda dot Murrizin

Pas përfundimit të takimit mes kryeministrit Edi Rama dhe përfaqësuesve të opozitës parlamentare, Rama tha se ky takim nuk ishte për të përmbysur marrëveshjen e bërë jashtë parlamentit, por për ta bindur opozitën që ta votojë.

Ndër të tjera, Rama thotë se gjendet mes dy zjarreve: mbajtjes së marrëveshjes dhe nevojës për vota në parlament.

Kryeministri u pyet nga gazetarët se pse bindi Bashën, por nuk bindi dot Murrizin, Rama tha se nuk mund t’i thoshte të dyve “bëni si të doni”.

Pyetje: A rrezikon të mos miratohet reforma zgjedhore duke qenë se ju duhen edhe votat e opozitës parlamentare?

Rama: Me këtë kod zgjedhor nuk shkojmë dot në zgjedhje se ka nevojë për ndërhyrje: Minimumi për të garantuar instancën e ankimimit. Për këtë arsye duhet të kemi dhe konsensusin e opozitës parlamentare.

Ne kemi dakortësuar një marrëveshje, nuk është marrëveshje që unë dhe PS do donim, por duke qenë se synimi kryesor i asaj tryeze ishte hapja e një rruge dialogu dhe krijimi i mundësisë për opozitën jo parlamentare, atëherë ne pranuam që mbasi topi shkoi tek fusha e Bashës dhe nuk po dkej, ti themi bëje si do ti. Ishte surpriz kur tha që më e mira është kjo që kemi, se për çfarë u bë gjithë ky zinxhir bëmash, krisjesh. Sot ne jemi në këto kushte: Duam që opozita parlamentare të kuptojë që jemi palë në atë marrëveshje, dhe nuk jemi këtu për ta përmbysur, por për ta kaluar. Ne gjendemi mes dy zjarreve, kemi këtë marrëveshje, dhe nevojë për votim në parlament, dhe një diskutim legjitim se dhe opinion publik ka një qasje që mbrohet nga këta përfaqësues që janë këtu.

Pyetje: Si mundët të bindni Bashën dhe jo Murrizin?

Rama: Unë i thashë Bashës bëj si të duash, po t’i them dhe Murrizit bëj si të duash atëherë do kemi dy kode të ndryshme, dy sisteme të ndryshme dhe dy shtete të ndryshme. Kështu që nuk mund të bëhet. Unë kam respekt si për Murrizin dhe për Bashën…