Ishte Balla pjesë e konferencës së Partisë Socialiste Europiane? Ja detaji dyshues

Kreu i Grupit Parlamentar të PS-së, Taulant Balla deklaroi se mori pjesë në Konferencën e Presidencës se Partisë Socialiste Europiane, në prag të Këshillit Europian.

Balla bëri me dije se pjesëmarrësit ishin kryeministra të disa prej vendeve anëtarë të BE-së, komisionerë, Presidenti i PE David Sassoli, Presidenti i Grupit Socialist dhe Demokrat në PE, si dhe kryetarët e partive anëtare të PES.

Ndërsa, nga fotot e publikura vihet re se nuk është portreti i Ballës, por flamuri shqiptar, ndërsa në fund është mjegulluar me efekt.

Dy fotot kanë ngritur dyshim mbi pjesëmarrjen e Ballës në konferencë edhe pse ai vet ka postuar një foto nga zyra, para kompjuterit.

Postimi i plotë i Taulant Ballës:

Sot pasdite mora pjesë në Konferencën e jashtëzakonshme të presidencës së Partisë Socialiste Europiane në prag të Këshillit Europian, e cila mblodhi sëbashku kryeministra të disa prej vende anëtare të BE, komisionerë, Presidentin e PE David Sassoli, Presidenten e Grupit Socialist&Democrat në PE, si dhe kryetarët e partive anëtare të PES.

Mesazhi i Konferencës për Këshillin Europian ishte: “Rimëkëmbja ekonomike pas pandemisë duhet të promovojë një agjendë progresiste, të forcojë sistemet shëndetësore dhe mirëqenien sociale, si dhe të promovojë një model të ri të rritjes ekonomike”.

Gjithashtu në këtë momente Parlamenti Europian po voton Rezolutën mbështetëse për Shqipërinë dhe vendet e Ballkanit Perëndimor.