Mesditën e sotme shoqatat e Transportit Publik po protestojnë në Tiranë, pranë godinës së Ministrisë së Infrastrukturës.
Ata kërkojnë një page shtesë nga shteti, pasi 40 mijë lekëshi është i pamjaftueshëm.
Në protestë ka patur dhe përplasje me policinë.
Efektivët kanë kërkuar që ata të shpërndaheshin por këta të fundit nuk janë bindur dhe kanë debatuar.
Protestuesi: Hiqe dorën mos më prek mua
Polici: Të lutem zhvendosu
Protestuesi: Mos më prek, e ke marrë rrogën për vete ti, po unë çfarë të ha. Mos më prek.
Shoqata e Transportit kërkon plotësimin e disa prej kërkesave, në të kundërt nuk rifillojnë aktivitetin e tyre. Ata kërkojnë:
1- Të hiqet akciza për naftës dhe taksave për karburantin si sektori i peshkimit.
2- Të ulet TVSH-ja nga 2% në 0% për këtë vit dhe më pas në vitin e ardhshëm të jetë 6%.
3-Rimbursimin e kapacitetit të munguar si pasojë e masave kufizuese.
4- Rimbursimin në burim i kategorive të cilat përfitojnë transport falas
5-Dje iu shtua dhe kërkesa e pagesës shtesë për shtyrjen me një javë të hapjes së shërbimit.
Anëtarët e shoqatës së transporti shprehen se është e pamundur që të zbatohet protokollet e sigurisë në autobusë, pasi nëse zbatohen nuk do të mund të hipin më shumë se 45 veta.
