LIGJET E BIZNESIT
Vijojnë betejat gjyqësore mes figurave politike në vend.
Mësohet se ditën e sotme gjyqi mes ish-deputetes së Partisë Demokratike Jorida Tabaku dhe kryebashkiakut Erion Veliaj ka përfunduar me fitoren e këtij të fundit.
Kështu, Gjykata e Tiranës ka dënuar Tabakun për akuzën e ‘shpifjes’.
Ish-deputetja duhet t’i paguajë Erion Veliajt gjobën prej 500 mijë lekësh, si dhe shpenzimet gjyqësore dhe ato avokatore.
Kujtojmë që Veliaj e paditi Tabakun për shpifje, lidhur me deklaratat që ish-deputetja demokrate kishte bërë nga selia e PD-së në lidhje me çështjen e Unazës së Re.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas Gjykatës së Tiranës, Jorida Tabaku ka kryer shpifje gjatë një konference shtypi, ku ajo kishte deklaruar se projekti i Unazës së Madhe është një projekt korruptiv i Veliajt dhe kryeministrit Rama, duke i akuzuar ata për ndryshimin e planit për përfitime personale.
Në daljet publike, Kryebashkiaku Veliaj ka deklaruar se të gjitha paratë e fituara nga gjyqet për shpifje ndaj ish-deputetëve të PD, shkojnë direkt në “Fondin e Edukimit”, i krijuar për të mbështetur çerdhet, kopshtet, bibliotekat e shkollave me materiale mësimore.
