Filologjiku shtyn pagesën e tarifës së studimit në shtator, ja data per nivelin master

Fakulteti i Historisë dhe Filologjisë ka vendosur të shtyjë afatin për pagesën e tarifës së studimit deri në shtator.

Pagesa është një detyrim që bëhej çdo vit para se studentët të futeshin në provime, por për shkak të pandemisë u bë shtyrja e saj.

Studentët e vitit të parë dhe të dytë të programeve bachelor dhe ata të vitit të parë të programeve master, duhet të kryejnë pagesën e tarifës së universitetit deri më datë 15 shtator 2020.

Ndërkohë, studentët e vitit të tretë bachelor dhe atë të viteve të dyta të programeve master, që do të diplomohen në sesionin e korrikut të bëjnë pagesën deri me datë 10 korrik 2020.
Edhe pas këtij vendimi, studentët nuk janë të kënaqur, pasi kërkuan anullimin e plotë të tarifës.