Pas lajmit se dy vëllezërit regjisorë Edmond dhe Robert Budina u prekën nga COVID19, ka ardhur dhe reagimi i kryeministrit Edi Rama.
Me anë të një postimi në rrjetet sociale, ai shprehet se i vjen keq dhe se ju uron shërim të shpejtë.
Kreu i qeverisë bën thirrje që të gjithë të kenë kujdes maksimal sepse virusi nuk ka ikur dhe po përfiton nga neglizhenca.
“Më vjen sinqerisht keq që dy vëllezërit Budina kanë rezultuar pozitiv në testin për Covid19! U uroj ta kalojnë sa më lehtë dhe të kenë shërim të shpejtë! Të gjithë duhet të bëjmë kujdes maksimal sepse virusi s’ka ikur dhe po përfiton nga neglizhenca e qytetarëve ndaj rregullave!”, shkruan Rama në rrjetet sociale.