Menjëherë pasi sot në foltoren e Kuvendit deputeti Halit Valteri publikoi një video të atentatit ndaj prokurorit Ndoja ku sipas tij shihen autorët e ngjarjes, ai është thirrur nga SPAK.
Ky institucion i kërkon Valterit që të paraqesë provat dhe të dëshmojë atë që di në lidhje me vrasjen ku mbeti i vrarë shoferi Andi Maloku dhe u plagos prokurori Arjan Ndoja.
Sipas deputetit në skenën e krimit kanë qenë të pranishëm dy autorë, njëri me kapele e tjetri pa kapele.
Ai sqaroi se pamjet i ka marrë nga kamerat e sigurisë në disa biznese në zonën ku ka ndodhur ngjarja.
Ky me kapele gjendet, ky pa kapele nuk gjendet, nuk e gjeni sot se e keni karamelen në fyt, ju dhe ata që ju kanë sjellë këtu. Pengohet zbardhja e ngjarjes. Nëse do keni vullnet për ta zbuluar bëjeni dhe jepini qetësinë atyre prindërve. Nuk doni ta zbuloni se keni hall se pas tyre fshihen ata që ju komandojnë juve, me vjen keq t’ua them, po më mirë jepni dorëheqjen sa mos të turpëroheni më, se fole për shifrat e drogës, dhe kanë kapur më pak, kur të fillojë korrja nuk do dini ku të futni kokën, e ke të përfshirë të 12 drejtorët, po jua fshehin se ndodhta nuk keni marrë asnjë lekë, më dukesh burrë i mirë për tu përfshirë me këta masakrenjtë, po të përdonin, po bëjnë gjëra pas kurrzit, po fshehin vrasjen”, tha Valteri.
