“Duam tryezë brenda 48 orësh” Grupet parlamentare të opozitës ultimatum Ruçit, kërkojnë takim urgjent me Ramën

Grupet parlamentare të opozitës kanë vendosur të bëjnë një lëvizje të befasishme.

Nëpërmjet një letre drejtuar kreut të Kuvendit Gramoz Ruçi, ata duan një tryezë dialogu brenda një afati 48 orësh, ku të jetë i pranishëm dhe kryeministri Edi Rama.

Letra është firmosur nga tre kryetarët e grupeve parlamentare, Myslim Murrizi i PD, Edmond Stojku dhe Nimet Musai.

Prej kohësh ata mbajnë një qëndrim kundër për të mos votuar Reformën Zgjedhore në rast se nuk do të jetë procesi i listave të hapura.

“Ju nuk duhet të bëni gabimin e shumëkujt që kujton gabimisht se jemi kartona në dispozicion të Lulëzimit apo Monikës. Për ne janë ata kartat e djegura dhe marrëveshja e tyre me Ramën është kartë e djegur, njësoj si mandatet e tyre”, thuhet ndër të tjera në letër.