DEPUTETI ANALFABET/ Tenton të nderojë Çerciz Topullin, por s’di të shkruajë shqip (FOTO)

Që cilësia e parlamentit shqiptar në dy vitet e fundit ka shkuar në greminë, kjo nuk do as mend e as kalem.

Njerëz anonimë, pa shkollim e pa formim u morën nga ana e anës për t’iu veshur kollaren e deputetit duke iu dhënë nga një karton jeshil në duar dhe kështu të mund të vendosnin për ligje që ndikojnë në jetën e shqiptarëve.

Pas rasteve të shumta skandaloze, e groteske që kemi pasqyruar në “fast news albania”, sot është radha e një tjetër deputeti që me siguri vetëm familjarët e vet dhe ata qe e futën në parlament e njohin për të tillë, por që paguhet nga taksat tona, Koçi Tahiri.

Ky i fundit, me zellin e madh për të treguar se është patriot dhe e do shumë Shqipërinë e historinë tonë, ka publikuar në rrjetet sociale një foto pranë monumentit të heroit, Çerçiz Topulli.

Por z.Koçi Tahiri ka nxjerrë veten zbuluar në këtë tentativë, si një analfabet, që në 3 rreshta dedikim për Çerçizin ka shkruar, vetëm gjysmat e fjalëve korrekt në gjuhën shqipe.

POSTIMI I KOÇI TAHIRIT NË FACEBOOK:

Vlen në këtë rast të risjellim në vëmendje që nga Koçi Tahiri dhe mënyra se si ai do të ngrejë kartonin në sallën e Parlamentit varen shumë ligje që ndikojnë drejtpërdrejt në jetën tonë të përditshme.