Dalin pamjet/ Atentati ndaj prokurorit Ndoja, ja momenti kur autorët e dyshuar largohen në këmbë

Kanë dalë pamjet nga atentati që iu bë prokurorit Arian Ndoja më 1 nëntor të vitit të kaluar, ku mbeti i vrarë shoferi i tij Andi Maloku dhe u plagos Landi Muharremi, i njohur ndryshe si ‘forti i Sukthit’.

Bëhet fjalë për videon që përmendi dje dhe deputeti i opozitës së re Halit Valteri, të cilën e ka siguruar Genci Maloku, babai i shoferit të vrarë.

Ky i fundit flet për një person tjetër si autor të dyshuar që në video del me kapele dhe ka kërkuar që Prokuroria dhe policia të veprojnë ose ndryshe do bëjë vetëgjyqësi.

Gjatë pamjeve dallohen dy persona që largohen në këmbë pasi kanë braktisur makinën.