Ministria e Shëndetësisë ka njoftuar se kanë humbur jetën dy pacientë te Spitali Infektiv.
Ka ndërruar jetë një pacient 67-vjeçar nga Tirana, i cili ishte i infektuar me COVID-19, gjithashtu kishte edhe disa sëmundje bashkëshoqëruese, ai vuante nga diabeti, fibrilacion atrial, hipertension dhe alzheimer.
Pavarësisht përpjekjeve të stafit mjekësor, 67-vjeçari nuk arriti të mbijetojë nga disfunksioni kardio-respirator, pavarësisht terapisë intensive medikamentoze dhe ventilimit mekanik.
Më parë ndërroi jetë edhe një paciente 73-vjeçare nga Shkodra. Ajo vuante nga hipertensioni, e shtruar prej disa ditësh në terapi intensive në gjendje të rëndë.
Ka shkuar në 41 numri i personave që kanë humbur jetën që nga fillimi i pandemisë.
