LIGJET E BIZNESIT
Privilegjet që kanë deputetët e Kuvendit të Shqipërisë vazhdojnë të habisin opinionin publik. Muaji prill ishte muaji ku të gjithë ishin të mbyllur në shtëpi si pasojë e koronavirusit, por duket se për deputetët e Kuvendit të Shqipërisë ka qenë një muaj me shumë benefite dhe dieta.
Plot 112 deputetë kanë përfituar një pagë të plotë për karburantin, e cila është e barabartë me rrogën e një punëtori të thjeshtë. Ajo varion nga 300 deri në 400 dollarë.
Habia qëndron në faktin se, gjatë muajit prill, të gjithë shqiptarët nuk kanë mundur të lëvizin, ndërsa deputetët i marrin rregullisht benefitet që u ofron kolltuku.
Përveç rimburimin të shpenzimeve për karburantin e pretenduar, 71 deputetë kanë përfituar edhe dieta gjatë muajit prill 2020, në kulmin e masave kufizuese. Deputetët kanë përfituar deri në 700 USD dita gjatë muajit prill. Po gjatë kësaj periudhe, rezulton se të gjithë deputetë kanë përfituar pagesën fikse prej 17,000 për shpenzimet për telefonin si dhe honorare për pjesëmarrjen në mbledhjet e komisioneve parlamentare nga shtëpitë e tyre.
Në Kuvendin e Shqipërisë është depozituar një projektligj, i cili parashikon përgjysmimin e pagave të deputetëve si dhe kufizimin e përfitimeve të tjera. Por, kjo nismë ligjore nuk është parashikuar për t’u shqyrtuar në komisionet parlamentare përkatëse.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
