Një nga pyetjet që të gjithë po e bëjnë më shumë së fundmi është nëse do të rikthehet karantina për shkak të shtimit të ndjeshëm të rasteve të reja me COVID19.
Ministrja Ogerta Manastirliu ka dhënë përgjigje në lidhje me këtë situatë, dhe për pyetjen që shumë persona po bëjnë.
E ftuar në programin “Open” ajo ka thënë se pavarësisht situatës, Shqipëria nuk do të rikthehet në izolim.
Sipas saj normaliteti mund të vendoset vetëm me zbatimin e masave.
Manastirliu iu drejtua qytetarëve duke thënë se duhet të zbatojnë rregullat, të vendosin maskat dhe të ruajnë distancimin social si dhe të lajnë duart.
“Shqipëria nuk do kthehet mbrapa, por diçka i kërkojmë publikut. Të zbatojë masat. Çelësi për të vijuar në normalitetin e ri janë masat që duhet të zbatojmë. Të mbahen maskat. Distancimi social që duhet të jetë element i futur në kulturën e përditshme, larja e duarve, kollitja… Këto janë masa të thjeshta. Nëse i zbatojmë s’do kemi përhapje të covid”, u shpreh Manastirliu.
