LIGJET E BIZNESIT
Prej 4 vitesh, ka qenë kryekëshilltare tenderësh e të gjobiturit Artur Zheji/ Profil administrativ i “dhelprës” me nofkën penale: “Vjollca e ilaçeve dhe pensioneve false”; e cila u bë “kamxhik” në duart e një kryeministri, që mediave të “Surrelit” u shet troje me 1 Euro/m2 në mes të Tiranës, ndërsa mediave denoncuese, u vendos dryna e gjoba nga 8000 Euro
Kryetari i OSBE, Edi Rama e filloi masakrën me gjoba gazetarësh e mbyllje mediash në Shqipëri; pa miratuar akoma, ligjin “Anti-media”, ndoshta si “test” për të provuar efektin e kësaj aventure të nisur qysh pas ardhjes në pushtet.
Para 24 orësh, 3 inspektorë të shëndetësisë, hodhën nën derën e RTV-ORA; 2 gjoba nga 1 milionë lekë dhe urdhërin e firmosur nga drejtore Vjollca Braho, për mbyllje ekrani, me motivin se nuk ka zbatuar aktin normativ të “beut të Surrelit”, për 1 të ftuar në studio.
Komentuesit në rrjetet sociale, i tërhoqën vëmendjen drejtores Braho, për “mungesë integriteti”; për faktin se u përdor si “kamxhik” i Ramës, për të goditur një TV që denoncon zullumet e tij.
Mirëpo opinoni i tërheq kot vëmendjen drejtores Vjollca Braho, mbasi postet dhe pagat e shumta, që ka në pushtet; tregojnë se atë e tërheq për hunde kryeministri.
Prej 25 vitesh, Vjollca Braho nuk ka mbetur asnjë sekondë, pa postin “N/drejtore e drejtore”; vetëm në vendet ku qarkullojnë miliona dhe ku ka “shesh për përshesh” përfitimesh; jo se është “shkencëtare”, por sepse aktron me çdo kryetar, parti e qeveri.
Prej 17 muajsh, është Drejtore e Inspektoriatit Shëndetësor; veçse nuk vë gjoba e bllokime tek depot, fabrikat, tregjet ushqimore dhe ujësjellësat e spitalet; por gjobit e bllokon mediat.
Në këtë detyrë, ajo është emëruar nga Edi Rama, pasi tradhëtoi (PDIU) Shpëtim Idrizin, që në vitin 2012 në pushtet me Berishën, e bëri Drejtore të Sigurimeve Shoqërore, ku qëndroi deri në vitin 2015; viti kur u dha pensione mijëra të vdekurve e la pa pensione të gjallët.
Pas kësaj detyre, po nga Edi Rama, me logon e PDIU dhe pazarin e Shpëtim Idrizit; Vjollca u emërua Drejtore e Ilaçeve (FSDKSH), të kësaj “grope së zezë” korrupsioni e krimi ç’njerëzor me ilaçet; të cilën e thelloi më tepër.
Qysh prej vitit 2015, po nga Edi Rama është emëruar N/kryetare e Këshillit Bashkiak të Tiranës, fillimisht si përfaqësuese e PDIU dhe prej 30 qershorit 2019, si anëtare e “G-99”.
Po prej Edi Ramës, në tetor 2016, pasi braktisi PDIU, u emërua Zv/ministre e Punës, Mirëqenies Sociale e Rinisë; dhe po kështu N/kryetare Bordi e Sigurimeve Shoqërore.
Nuk është çudi, që Vjollca, me gjithë këto paga që “ha” në pushtet; të mos e zbatojë urdhrin e Ramës; për të gjobitur e mbyllur jo 1 media, por të gjitha të mediat që piketon “babloku”.
Çudia është, se kjo anëtare e çdo partie dhe drejtore e çdo pushteti, ka lidhje të hershme pune me mediat.
– Drejtore Vjollca Braho, ka patur vartëse me pagë të 3-të në FDKSSH, “ekspertën e Ujësjellësit”, Bieta Sulo, njëherazi dhe punonjëse e Vjollcës së TV-TOP.
– Prej 15 vitesh, është N/krytare e Bordit të Administrimit të RTSH. Prej 3 vitesh, ka qenë Krye-këshilltare e të gjobiturit, Artur Zheji, kur ky ishte Drejtor i RTSH.
– Prej 4 vitesh, është eksperte kontabël e mediave të pushtetit.
Prandaj dhe mediat, nuk e kanë “ngacmuar” kur ka bërë “zullume” korrupsioni me çmimet, çilësinë dhe rrezikun e ilaçeve; apo kur ka bërë “qoka e zullume”, me dosjet pensioneve.
Por që të jemi të saktë; Vjollca ka ditur të vetë-mbrohet e shpëtojë nga drejtësia në çdo rast sikleti; duke emëruar shefe sektori gruan e Adriatik Llallës. Kaq për sot./Pamfleti/
