Vijon Vettingu në Polici/ Kush janë dy ‘kokat e mëdha’ që pritet të kalojnë në ‘sitë’ (EMRAT)

Vazhdon procesi i Vettingut në rradhën e Policisë së Shtetit.

Këtë rradhë janë dy figura të rëndësishme që do të kalojnë në “sitë”.

Bëhet fjalë për Arben Saliun, drejtorin e Drejtorisë së Standardeve Profesionale në Policinë e Shtetit.

Ai do të zhvillojë sot një seancë dëgjimore në orën 12:00 para Komisionit të Jashtëm të Vlerësimit. Po ashtu të premten do të dalë para Vettingut edhe Bledar Çeliku, drejtor i Drejtorisë kundër Trafiqeve dhe Narkotikëve në Departamentin e Policisë Kriminale .

NJOFTIMI NGA POLICIA

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Përshëndetje,

Ditën e enjte në ora 12:00, Komisioni i Jashtëm i Vlerësimit (KJV) do të zhvillojë seancën dëgjimore me subjektin e vlerësimit kalimtar z. Arben Saliu, me funksion Drejtor i Drejtorisë së Standardeve Profesionale, në Drejtorinë e Përgjithshme të Policisë së Shtetit.

Ditën e premte në ora 09:30, Komisioni i Jashtëm i Vlerësimit (KJV) do të zhvillojë seancën dëgjimore me subjektin e vlerësimit kalimtar z. Bledar Çeliku, me funksion Drejtor i Drejtorisë Kundër Narkotikëve dhe Trafiqeve në Departamentin e Policisë Kriminale, në Drejtorinë e Përgjithshme të Policisë.

Ftojmë mediat që do të ndjekin seancën të respektojnë masat mbrojtëse nga COVID-19, në ambiente të mbyllura!