VENDIMI/ Kopshtet dhe çerdhet nuk hapen në Shkodër në 1 qershor, bashkia zbulon arsyet

Në qytetin e Shkodrës dhe gjithë njësitë administrative që mblon kjo bashki nuk do hapen cerdhet dhe kopshtet ditën e hënë, ashtu siç vendosi qeveria.

Lajmin e ka bërë të ditur vetë bashkia në një njoftim të shpërndarë në mediet sociale.

Arsyeja e këtij vendimi nga bashkia është marrja e masave shtesë për respektimin e protokollit të sigurisë të përcaktuar nga ministria e Shëndetësisë.

Njoftimi i plotë:

Njoftohen prindërit dhe fëmijët se, në zbatim të Urdhrit nr. 333 datë 20.05.2020 të Ministrisë së Shendetësisë dhe Mbrojtjes Sociale, shërbimi në kopshtet dhe çerdhet në qytet dhe njësitë administrative të Bashkisë Shkodër do të vijojë me datën 5 qershor 2020.

Në zbatim të Urdhrit të Ministrisë së Shëndetësisë dhe Mbrojtjes Sociale, Bashkia Shkodërka zhvilluar proceduren e blerjeve për sigurimin e kushteve shtesë në respektim të protokollit për funksionimin e hapjen e koshteve dhe çerdheve si: Termometra infrared, dezinfektantë të posaçëm etj.

Furnizimi do të jetë sipas procedurës me datën 4 qershor 2020, duke siguruar plotësimin e protokollit për të gjitha institucionet.