LIGJET E BIZNESIT
Ditën e sotme një ngjarje e rëndë ka ndodhur në Berat, ku një vogëlush humbi jetën nga korenti. Ndërkaq, kreu i PD-së në Berat, Gazment Azizi ka reaguar pas ngjarjes tragjike.
Në një shënim në Facebook, Azizi shkruan se 4-vjeçari ka vdekur në lulishten qendrore të qytetit, pasi ka rënë në kontakt me rrymën elektrike të zbukurimeve vezulluese.
“Telat e zhveshur,të pasiguruar me pusetat që prej kohësh qëndrojnë të hapura dhe në tension, kanë vrarë sot qytetarët beratas”, shkruan mes të tjerash kreu i PD.
Mesazhi i plotë:
Shkëlqimi i fasadave VRASTARE!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Një fëmijë 4-vjeçar ka humbur sot jetën, si rezultat i kontaktit me energjinë elektrike në lulishten qëndrore të qytetit të Beratit. Zbukurimet vezulluese të përgatitura dhe aq shumë të trumbetuara nga bashkia Berat,i kanë marrë jetën 4-vjeçarit, i cili ishte duke luajtur në lulishten qendrore te qytetit.
Telat e zhveshur,të pasiguruar me pusetat që prej kohësh qëndrojnë të hapura dhe në tension, kanë vrarë sot qytetarët beratas. Ai fëmijë mund të ishte i kujtdo ,ndaj të gjithë bashkë duhet të reagojmë, ndaj kësaj fatkeqësie.
As taksat dhe , as tarifat e larta që paguajnë qytetarët beratas nuk mundësojnë dot shërbim cilësor ,dhe të sigurt nga kjo bashki. Të dashur bashkëqytetarë, duhet të reagojmë sa nuk është ende shumë vonë!
