LIGJET E BIZNESIT
Ditën e sotme Policia e Durrësit ka vënë në pranga një të ri i cili grabiste me dhunë nëpërmjet kërcënimit me thikë këmbësorët që kalonin në zonën e plazhit.
Sipas njoftimit zyrtar bëhet me dije se në pranga ka rënë shtetasi me iniciale E.H 29 vjeç, banues në Durrës, i dënuar më parë për veprën penale “Vjedhja”.
Janë 4 raste ku ky person ka vjedhur me dhunë dhe nën kërcënimin e armëve të ftohta këmbësorët, duke u kthyer edhe në një “tmerr” për ta.
NJOFTIMI ZYRTAR I POLICISE
Finalizohet me sukses operacioni i koduar “Përsëritësi”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Vidhte me dhunë nëpërmjet kanosjes me thikë, këmbësorët që kalonin për në zonën e plazhit, vihet në pranga 29-vjeçari me precedent penal të mëparshëm në fushën e vjedhjes.
Zbardhen dhe dokumentohen 4 vjedhje me dhunë, të ndodhura muajt e fundit.
Specialistët për Hetimin e Krimeve në Komisariatin e Policisë Durrës, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë penale, si rezultat i një pune të mirorganizuar, në kuadër të operacionit policor “Përsëritësi”, arrestuan shtetasin:
- H., 29 vjeç, banues në Durrës, i dënuar më parë për veprën penale “Vjedhja”.
Ky shtetas dyshohet se muajt e fundit ka kryer disa vjedhje me dhunë ndaj këmbësorëve, nëpërmjet kanosjes me thikë, të renditura si më poshtë:
– Më datë 10.05.2020, në lagjen nr. 14, te Ura e Dajlanit, i ka vjedhur me dhunë, 30.000 lekë, shtetasit R. Xh., 62 vjeç, banues në Arapaj, Durrës.
– Më datë 26.05.2020, në lagjen nr. 4, Durrës, dyshohet se i ka vjedhur shtetasit E. I., një aparat celular dhe shumën prej 6000 lekësh.
– Më datë 28.04.2020, në lagjen nr. 17/1, Durrës, dyshohet se i ka vjedhur shtetasit A. M., një aparat celular.
– Më datë 07.05.2020, në lagjen nr. 14, Durrës, dyshohet se nën kërcënimin e thikës, i ka vjedhur shtetasit G .S., shumën prej 22.000 lekësh.
Materialet në ngarkim të shtetasit E. H. i kaluan Prokurorisë së Rrethit Gjyqësor Durrës, për veprime të mëtejshme.
