Testi i Maturës/ Vrapi: Ja çfarë duhet të bëjnë nxënësit, temat u publikuan në…

Drejtoresha, e Qendrës së Shërbimeve Arsimore, Rezana Vrapi përmes një videomesazhi u shpreh se përmbajtja e tesitit të Maturë Shtetërore do të bazohet në një program orientues. Ky program do të publikohet nga Agjencia e Sigurimit të Cilësisë së Arsimit Parauniversitar

Në këtë videomesazh, të publikuar në rrjetin social Facebook të ministres së Arsimit, Besa Shahini, theksohet se “çdo test i Maturës Shtetërore bazohet në një program orientues, i cili publikohet nga Agjencia e Sigurimit të Cilësisë së Arsimit Parauniversitar (ASCAP)”.

“Kjo agjenci, para disa ditësh, bëri publikimin e testeve të rishikuara ku janë hequr temat, të cilat janë bërë nga marsi e në vijim, pra në kushtet e të mësuarit online”, thekson Vrapi.

Ndër të tjera, Vrapi thotë se “gjithçka që po bëjnë maturantët në këtë fazë është që të përsërisin pikërisht temat, të cilat janë publikuar në programet e rishikuara”.

Linku për programet e reja orientuese për testet e Maturës Shtetërore: https://arsimi.gov.al/programet-orientuese-2019-2020-te-rishikuara-covid-19

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern