LIGJET E BIZNESIT
Pak orë përpara protestës ditën e sotme pranë sheshit të Teatrit Kombëtar, ka folur edhe kryetarja e Lëvizjes Socialiste për Integrim Monika Kryemadhi.
Ajo ka thënë se këto tubime nuk kanë një organizator.
Sipas saj ato nuk i mbledh as opozita as Aleanca për Mbrojtjen e Teatrit por janë qytetarë që vinë për të protestuar.
Më tej ajo thekson se të gjithë që janë kundër Ramës të bashkohen tek Teatri, filluar nga gjyqtarët e prokurorët e shkarkuar nga Vettingu deri tek policët mbi 55 vjeç.
”Nuk jam organizatorja e protestës por ajo protestë nuk ka organizator. Janë qytetarë që vijnë dhe duhet të ketë një organizim që të vijnë gjithë njerëzit që janë kundër Edi Ramës. Edhe gjyqtarëve edhe prokurorëve që nuk kishin bërë pazare me Ramën të vijnë në shesh.
Për gjithë burrat e gratë që janë shkarkuar nga administrata, për policët mbi 55 vjeç që Rama i ka quajtur barkderra.
Nënave që i ka veshur me të zeza Edi Rama sepse djemtë e tyre i ka lënë peng në Kolumbi e tutje, në tytën e pistoletës dhe derisa të vinin kamionët me drogë.
Thirrje gjithë djemve dhe vajzave, që u vendosi kokën në asfalt dhe gjurin në fytyrë për t’i terrorizuar. Artistët që në fytyrën e tyre rrjedhin lot.”, u shpreh Kryemadhi.
