Të gjithë sapo zgjohemi në mëngjes kërkojmë një mënyrë për ta nisur sa më mirë ditën.
Në mënyrë që të përballojme stresin që sjell lodhja në punë dhe dita e ngarkuar, duam të jemi sa më energjik si fizikisht ashtu edhe mendërisht.
Ka disa zakone të cilat rekomandohen që të përsëriten përditë, në mënyrë që të mos e fillojmë ditën të stresuar dhe me lodhje.
Receta për maksimizimin e performancës vjen nga Namni Goel, profesor i Psikiatrisë në Shkollën e Mjekësisë të Universitetit të Pensilvanisë (SHBA).
Planifikimi i ditës
Çdo mbrëmje, secili nga ne është i prirë të bëjë planifikim të vogël për të nesërmen, të paktën për orët e para. Ju mjafton të vendosni për rrobat që do vishni ose mbi atë që do të konsumoni në mëngjes. Edhe pse mund t’ju duken vendime të parëndësishme, ato ju “vjedhin kohë”, të cilën mund ta shfrytëzoni për të bërë diçka tjetër. ORARET Shkoni në shtrat dhe gjithmonë zgjohuni në të njëjtin orar, është mirë për mendjen dhe trupin. Në fakt, shpjegon Goel, ky ritual shërben për të vendosur rregull mbi metabolizmin dhe energjinë.
Një gotë ujë
Një gotë ujë çdo mëngjes shërben për të hidratuar trupin dhe gjithashtu, për të aktivizuar metabolizmin. Trupi ka nevojë për ujë për të rregulluar, për shembull, proceset e tretjes.
Meditimi
Mund të jetë një stërvitje e shkëlqyer për mendjen pasi jep energji, kreativitet dhe përqendrim.
Aktivitet sportiv
Mëngjesi herët është veçanërisht i mirë, duke i liruar ‘endorfinët’ (qetë- sues të natyrshëm), që mbeten gjatë gjithë ditës.
Drita Ideale është që të fillojë në mëngjes është duke ekspozuar veten ndaj dritës natyrale, e cila pengon prodhimin e hormonit të gjumit. Për më tepër, drita e diellit është e mirë për humor.
Mëngjesi
Detyra e parë e ditës, një vakt i pazëvendësueshëm sepse jep energji dhe ul oreksin gjatë gjithë ditës. Zgjidhni proteina të shëndetshme dhe karbohidratet nga frutat, jo nga ëmbëlsirat dhe ushqimet që përmbajnë sheqerna të këqija. Ata që e shmangin mëngjesin, janë më pak energjikë dhe më shumë në rrezik për të fituar peshë, thekson Goel në studimin e tij.
