Shpërthim i frikshëm epidemik, ky shtet europian sot zbuloi 10 mijë raste të reja më COVID-19

Teksa Pandemia e COVID-19 është duke u larguar shumë ngadalë nga Europa, vende të tjera vijojnë të jenë në alarm nga virusi i frikshëm.

Një nga këto është Rusia, që duket se është në pragun e një pandemie të madhe të koronavirusit të ri.

Sipas autoriteteve të Federatës ruse, vetëm në 24 orët e fundit u regjistruan 10 mijë raste të reja pozitive me COVID-19.

Shpërthimi epidemik është më i madhi i regjistruar deri më tani në një vend të botës.

Edhe pse duhet nënvizuar numri tejet i lartë i testimeve që ka ndërmarrë Rusia në ditët e fundit, ku janë kryer më shumë se 4 milionë teste.

Vetëm në Moskë, ku u zbuluan 5 mijë raste të reja, u kryen në 24 orët e fundit 48 mijë testime.

Rusia pritet që tashmë të futet nën një regjim të rreptë karantine për t’i vënë fre shpërthimit pandemik.