Shokohet policia/ Si maskat grabitën për 3 min biznesin në Librazhd

Një supermarket në qytetin e Librazhdit ka rënë pre e grabitjes nga maskat. Mësohet se hajdutë profesionistë kanë vjedhur me thyerje një supermarket dhe një market në lagjen nr.1 të qytetit.

Ajo që ngre habi është se grabitja u realizua me një shpejtësi në kohë rekord. Organizimi i bandës së vjedhjes ka qenë i sofistikuar si në hapjen e dyerve të bizneseve si dhe në vjedhjen e mallrave me vlerë. Ndërkaq, mënyra perfekte e grabitjes ka krijuar habit e pronarët e bizneseve por jo vetëm, dhe vetë policia është habitur. Maskat kanë mundur që të kenë patur një menaxhim të duhur në koordinimin e veprimeve kështu ka rezultuar me sukses qëllimi i tyre në një shpejtësi rekord.

Në më pak se 3 minuta grupi i vjedhësve kanë arritur të hapin dyert e një supermarketi dhe të një marketi pa ju trembur rënies së sinjalit të alarmit dhe kamerave të shumta të sigurisë të instaluara në këto biznese. Pasi kanë marrë mallin nga bizneset, e kanë ngarkuar në automjete dhe janë larguar për në drejtim të Elbasanit.