Rritje e ndjeshme e rasteve të reja/ Ndërron jetë dhe një person, ja sa shkon numri i të infektuarve me COVID19

Ditën e sotme është shënuar sërish një rritje e rasteve të reja me koronavirus në Shqipëri.

Kështu, janë konfirmuar 25 persona të prekur brenda 24 orëve.

Mësohet se prej tyre 24 janë në Tiranë dhe 1 në Durrës, duke e kthyer kryeqytetin në një vatër  të nxehtë të të infektuarve.

Sipas të dhënave zyrtare, gjatë orëve të fundit ka ndërruar jetë një  69-vjeçar me iniciale S.K, i cili po merrte mjekim në spitalin Infektiv.

Deri më tani numri total i viktimave ka shkuar në 33.

Gjithashtu informacionet bëjnë me dije se në sPitalin Infektiv ka patur shtrime  të reja dhe aktualisht aty po trajtohen 17 pacientë, 3 prej të cilëve janë në terapi intensive.

Ndërsa janë shëruar 8 qytetarë dhe numri total i atyre që kanë fituar etejën me virusin deri më tani shkon në 803 persona.

NJOFTIMI ZYRTAR I MINISTRISE

COVID-19/ Ministria e Shëndetësisë: 1 humbje jete, 25 raste të reja në 24 orët e fundit. Mirela Cami Drejtore e Operatorit të Shërbimeve të Kujdesit Shëndetësor. Ju informojmë rreth situatës së COVID 19 në Shqipëri gjatë 24 orëve të fundit.

Mëngjesin e sotëm ka ndërruar jetë në mënyrë të papritur, pavarësisht përpjekjeve të mjekëve një pacient 69-vjeçar nga Tirana, me inicialet S.K., i cili po trajtohej në terapi intensive në spitalin infektiv. Ministria e Shëndetësisë i shpreh ngushëllimet familjes së të ndjerit. Që nga fillimi epidemisë, 33 qytetarë e kanë humbur betejën me Covid19.

Në 24 orët e fundit kemi sërish shtrime të reja në spitalin infektiv, ku aktualisht po trajtohen 17 pacientë, nga të cilët 3 janë në terapi intensive. Në 24 orët e fundit ka rritje të numrit të të prekurve, të lidhura me kontakte të rasteve të mëparshme pozitive por edhe vatra të reja në Tiranë. Janë testuar 173 qytetarë si të dyshuar të prekur me Covid19 dhe janë konfirmuar 25 raste pozitive. Më konkretisht janë 24 të prekur në Tiranë dhe 1 në Durrës.

Ndër rastet e reja janë 15 të prekur në një call-center, kontakte të një rasti pozitiv të identifikuar dy ditë më parë. Po vijon hetimi epidemiologjik edhe për disa raste të reja në Tiranë.
Ne 24 orët e fundit janë shëruar 8 qytetarë.

Nga fillimi i epidemisë janë kryer mbi 14500 testime molekulare dhe serologjike, ndërsa numri i rasteve të konfirmuara pozitivë në të gjithë vendin është 1029. Prej tyre, rreth 78% janë të shëruar.
Në vendin tonë aktualisht janë 193 persona aktivë me COVID19, kryesisht ne Tiranë, Durrës Krujë, Shkodër.

Ministria e Shëndetësisë dhe Mbrojtjes Sociale fton qytetarët të tregohen të kujdesshëm, duke respektuar distancimin fizik dhe higjienën vetjake. Qytetarët nuk duhet të neglizhojnë shenjat e Covid19, prandaj telefononi në numrin unik të Urgjencës Kombëtare, 127. Për informacion në lidhje me COVID19 dhe këshillim psikologjik, ju lutemi, telefononi në linjën e gjelbër 0800 40-40.

COVID-19 – Statistika (26 Maj 2020)
Testime totale 14832

Testime molekulare 13506
Testime serologjike 1326
Raste pozitive 1029
Raste të shëruara 803
Raste Aktive 193
Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 80
Durrës 54
Krujë 24
Shkodër 12
Berat 10
Kamëz 9
Fier 2
Mirditë 1
Korçë 1