Së fundmi, mësohet se një efektiv policie i cili është pjesë e togës së shoqërimit në Gjykatën e Tiranës, rezulton pozitiv me COVID19.
Pas shenjave të temperaturës së lartë, sipas testit të kryer ai ka dalë i infektuar.
Gjithashtu edhe vajza së bashku me nënën e tij, kanë rezultuar të prekura nga koronavirusi.
Pas rezultatit të tamponeve, të tre janë izoluar, ndersa pritet që të testohen të gjithë personat e tjerë më të cilët ai ka pasur kontakt.
Sipas dyshimeve të para, mendohet se polici mund të jetë infektuar nga nëna e tij që punon si shitëse por nuk përjashtohet as mundësia që e ka marrë më parë.
Ndërkohë pritet të bëhet hetimi i plotë epidemiologjik i rastit.
