Ditën e sotme në orën 11.00 do të mblidhet Këshilli Politik për të diskutuar mbi Reformën Zgjedhore, një nga temat më të rëndësishme në fushën e politikës në vend.
Kujtojmë që mbledhja e fundit e këtij këshilli nuk u bë pasi opozita e bashkuar vendosi të mos merrte pjesë në shenjë proteste për shembjen e Teatrit Kombëtar.
Përfaqësuesi i Partisë Socialiste Damian Gjiknuri, ka dërguar dy letra për opozitën që të rikthehen në tryezë dhe të vendosin një datë për takimin e rradhës.
Në anën tjetër, kreu demokrat Lulzim Basha mblodhi ekspertët e PD-së, nga ku deklaroi se ‘opozita nuk do të braktisë këtë tryezë dhe do të vijojë diskutimet për t’i dhënë shqiptare zgjedhje të lira dhe të largojnë Ramën një orë e më parë’.
Ndërkohë në takimin e sotëm janë shumë pika që pritet të diskutohet mes tyre dhe financimi i partive, votimi elektronik, Kolegji Zgjedhor.
Dy pika mjaft të rëndësishme që ndajnë palët janë kushti i PD-LSI për qeveri tranzitore për organizmin e zgjedhjeve dhe kushti tjetër i Rudina Hajdarit se do të vendos veton nëse nuk ndryshohet sistemit elektoral, për të cilën PD, PS, LSI duket se nuk e kanë pjesë të axhendës së tyre politike.
