Reforma në drejtësi/ Reagon Soreca: Nuk ka kohë për të riahapur diskutime, duhet rritur efikasiteti i saj

Ditën e sotme, ambasadorja amerikane Yuri Kim ka paralajmëruar për Reformën në Drejtësi duke thënë se ka një marrveshjë ‘sekrete’. Pas reagimeve të eksponentëve shqiptare ka reaguar edhe përfaqësuesi BE-së, Luigi Soreca.

Në reagimin e tij, Soreca shkruan se zbatimi i Reformës në Drejtësi duhet të vijojë dhe se nuk është koha që të hidhen dyshime mbi bazat e tij, por duhet focus për rritjen e efikasitetit të saj.

Reagimi i Luigi Soreca:

Zbatimi i Reformës në Drejtësi vazhdon dhe duhet të ruhet. Kjo nuk është koha për të rihapur diskutimin mbi bazat e tij, por për të rritur efikasitetin e tij dhe forcimin e burimeve që disponon. Për të dhënë drejtësinë e pavarur që qytetarët shqiptarë meritojnë dhe për të çuar përpara Shqipërinë në rrugën e saj në Bashkimin Europian.