Reforma në Drejtësi/ Ambasada e SHBA mesazh domethënës: Populli shqiptar foli, synimi është i qartë

Ambasada e SHBA në Tiranë ka lëshuar së fundmi një thirrje të fortë për Reformën në Drejtësi.

Me anë të një njoftimi zyrtar, ky institucion shpreh vendosmërinë për të vijuar procesin por dhe përkushtimin e amerikanëve në hartimin e Reformës në Drejtësi.

Gjithashtu, sipas ambasadës kjo reformë është e ngadaltë, e dhimbshme, e papërsosur por e nevojshme.

MESAZHI I PLOTE I AMBASADES AMERIKANE

Shtetet e Bashkuara mbeten vendosmërisht të përkushtuara ndaj reformës në drejtësi, e cila është kërkesë e popullit shqiptar. Në përgjigje të kësaj kërkese, në vitin 2016, Parlamenti miratoi unanimisht ligjet themelore për reformën. Prej atëherë, janë ngritur institucione kyçe dhe zbatimi vazhdon për t’i bërë ato funksionale. Reforma është e dhimbshme, e ngadaltë dhe e papërsosur por është e nevojshme. Reforma në drejtësi po ecën përpara dhe duhet të vazhdojë, në mënyrë që Shqipëria të bëhet anëtare e plotë e familjes europiane. E gjithë Ambasada e Shteteve të Bashkuara të Amerikës do të vijojë të mbështesë synimin e popullit shqiptar. Ne nuk duhet të humbasim përqëndrimin, ne nuk duhet të çorientohemi – synimi është i qartë, populli shqiptar foli dhe reforma në drejtësi duhet të ecë përpara, hap pas hapi.