Ish-deputetja e Partisë Demokratike, Albana Vokshi, në lidhje me çështjen e Teatrit shprehet se do të ndjekë në rrugë institucionale në përgatitjen e kallëzimit penal për kryeministrin Edi Rama, kryetarin e bashkisë së Tiranës Erion Veliaj, dhe të gjithë ata që në mënyra të ndryshme, kanë “kontribuar” në shëmbjen e Teatrit Kombëtar.
Në emisionin “Në fokus” znj. Vokshi, tha qartazi se tashmë pas shembjes së teatrit, PD, do të bëj të pamundurën për të ndaluar ndërtimin e projektit të Ramës për ndërtimin e teatrit.
Ndër të tjera, Vokshi shtoi se çdo kompani private e cila ka përfituar nëpërmjet abuzimit të ligjit lidhur me shembjen e Teatrit do të përballet me drejtësinë.
Po ashtu në këtë emision, ish deputetja e PD, konfirmoi se PD u ka bërë thirrje bankave që të mos japin kredi projekteve abuzive, siç është projekti i kullëzimit të pronës publike të Teatrit dhe përreth tij.
