Policia jep njoftimin e rëndësishëm: Nesër bizneset hapur, por nuk lejohet…

Policia e Shtetit njofton se ditën e nesërme do të jenë të hapura të gjitha bizneset si dhe lëvizja e lirë e këmbësorëve. Ndërsa në njoftim thuhet se nuk do të lejohet në asnjë qytet të vendit qarkullimi i automjeteve.

Njoftimi i policisë:

Në kuadër të zbatimit të masave kufizuese për parandalimin e përhapjes së COVID-19, Policia e Shtetit njofton të gjithë qytetarët se në datën 31.05.2020 do të jenë të hapura të gjitha bizneset, si dhe do jetë e lirë lëvizja për këmbësorët, por nuk do lejohet në asnjë qytet të vendit qarkullimi i automjeteve.

Gjithashtu, edhe për këtë fundjavë nuk do lejohet hyrja dhe dalja në zonat e kuqe, si dhe ndalohet lëvizja drejt plazheve nga zonat që nuk janë zona bregdetare.

Policia e Shtetit kërkon mirëkuptimin e qytetarëve që të zbatojnë me rigorozitet ndalim-qarkullimin me automjete për ditën e nesërme, si dhe të respektohet distancimi social në të gjithë vendin.