Padyshim një nga filmat shqiptarë më të preferuar të kohërave të mëparshme është dhe “Lulëkuqet mbi mure”.
I prodhuar nga Kinostudio Shqipëria e Re me regjisor Dhimitër Anagnostin në vitin 1976, rol të rëndësishëm pati dhe aktori që luajti Sulon, një nga personazhet më të lakuar në film.
Skenari mbi të cilin u bazua filmi, romani “Bonjakët” i shkrimtarit Petraq Qafëzezi, trajtonte përpjekjet dhe ndihmat që dhanë debatikasit dhe të rinjtë shqiptarë në lùftën kundër fashistëve italianë, të cilët pùshtuan Shqipërinë më 7 prill 1939.
Ngjarja zhvillohet në një nga jetimoret e Tiranës në vitet e pushtimit të Shqipërisë nga fashistët italianë në fillim të Lùftës së Dytë Botërore.
Në filmin në fjalë, rolin e aktorit kryesor e luante Kadri Roshi, ndërsa një tjetër rol protagonist ishte ai i ‘Sulos’, që interpretohej nga Krenar Arifi.
‘Sulo’ preku zemrat e të gjithëve, për shkak të fundit tragjik që pati në film.
Por aktori që e ka luajtur natyrisht është mes nesh dhe nga foto e mëposhtme është e vështirë të besohet se dikush mund ta njihte në krahasim me pamjen që kishte në film.
