Ditën e sotme opozita ka vendosur të bojkotojë mbledhjen e rradhës të Këshillit Politik për Reformën Zgjedhore.
Menjëherë pas këtij vendimi, ka folur për mediat deputetja Rudina Hajdari.
Një ditë pas shembjes së Teatrit Kombëtar, ajo i është drejtuar me një mesazh të fortë kryetarit të Partisë Demokratike Lulzim Basha, duke i thënë se duhet të mbajë të paktën një premtim.
Gjithashtu Hajdari kujtoi marrëveshjen e Bashës me Aleancën për Mbrojtjen e Teatrut, ku ndër të tjera zotohej për reformim të sistemit zgjedhor.
“Nëse PD e ka seriozisht se do të mbështesë Aleancën për Teatrin të vijë në Tryezë, ti shkojë deri në fund marrëveshjes së bërë në korrik 2019, ku angazhohet plotësisht për reformimin e sistemit zgjedhor. Të paktën një premtim ta çojë deri në fund. Ta marrë seriozisht dhe të mos rrijë kot nëpër sheshe. Teatri u shemb, çfarë do bëjmë tani?
Zotohuni deri në fund për atë që keni thënë. Kjo marëveshje është nënshkruar ngaa vetë Basha”-tha Hajdari.