LIGJET E BIZNESIT
Seanca e sotme në Kuvend ka nisur me replika mes kryetarit Gramoz Ruçi dhe deputetit të opozitës së re Kujtim Gjuzi.
Ndërkohë që ky i fundit e mori fjalën ulur nga vendi, u shpreh se Kushtetuta po shkelet në momentin që diskutohet për ndryshimet e Kodit Zgjedhor.
“Jemi në gjendje të jashtëzakoshme, s´mund të diskutoni mbi ndryshimet në Kodin Zgjedhor në atë këshillin Politik. Ne jemi opozita e përgjegjshme, pse na injoroni, pse quani opozitë atë që do të rrijë te Lana?
Që kur kemi ardhur ne në Parlament nuk ka në sallë as shiringa, as bojë as gjëra të tjera të paligjshme, pasi ne jemi të përgjegjshëm. Më vjen keq edhe me disa diplomatë që duan të na caktojnë ne kush është lideri i opozitës”, u shpreh Gjuzi.
Por nga ana tjetër Ruçi nuk ka zgjedhur të qëndrojë indiferent duke i thënë Gjuzit një përgjigje të menjëhershme.
“Po të mos ishte ajo që ti e quan “opozita e Lanës” nuk do të ishe sot në Kuvend. Meqë e përmend shumë atë partinë tënde Konservatore, para dy vjetësh ishe në zgjedhje dhe more zero vota. As për veten tënde nuk votove”, ia ktheu ai me nota ironie.
