Njihen në të gjithë Shkodrën, gjykata liron nga burgu anëtarët e grupit Bajri

Ditën e sotme gjykata e Shkodrës ka anuluar masën e sigurisë “arrest me burg” për disa anëtarë të grupit kriminal Bajri, shumë të njohur në qytet.

Kështu njëri prej tyre që përfiton është dhe Safet Bajri.

Për të gjykata, ka urdhëruar qëndrimin në burg vetëm për vendimin penal të formës së prerë, të ardhur nga Belgjika. Por, ka liruar nga ambientet e paraburgimit  Ismet Idrizin, Asmer Bilalin dhe Samet Hallunin.

Ambientet e paraburgimit i ka lënë edhe Ismet Idrizi, Asmer Bilali dhe Samet Halluni.

Nga ana tjetër, gjykata ka zgjatur afatet e paraburgimit për Behar Bajrin dhe Ilir Bajrin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjithashtu, për pjesëtarët e grupit Emrah Plaku dhe Jorida Murati gjykata ka zëvendësuar masën e “arrestit shtëpiak” në “detyrim paraqitje në policinsë gjyqësore”.

Trupa gjykuese që mori vendimin mbi grupin “Bajri” përbëhej nga Besmir Stroka, i cili ka pranuar sot kërkesën e avokatëve mbrojtës Arben Hoxha dhe Sokol Tahiraj.

Hetimet për ta ishin në duart e SPAK por ia kaluan Prokurorisë së Shkodrës, nuk po hetoheshin si një grup i strukturuar kriminal, duke mos qenë kompetencë e SPAK.

Grupi kriminal “Bajri” nga Dobraçi i Shkodrës akuzohet për vrasje me dashje, gjobëvënie, trafik droge dhe pastrim parash. Anëtarë të këtij grupi kriminal akuzohen edhe si autorë të disa prej ngjarjeve kriminale që kanë tronditur kryeqendrën e veriut.