Nga nesër rregulla të reja/ Këto janë qytetet e tjera ku njerëzit do të lëvizin më lirisht

Ditën e nesërme, më 4 maj, do të nisin masat e reja lehtësuese në kuadër të hapjes në mënyrë graduale të vendit dhe ekonomisë, ku përfshihen rikthimi i shumë shërbimeve dhe shtimin e zonave të gjelbërta.

Kështu, duke nisur nga nesër, zonës së gjelbër do ti shtohen dhe këto bashki: Tropojë, Rrogozhinë, Peqin, Belsh, Cërrik, Gramsh, Ura Vajgurore, Kuçovë, Berat, Poliçan, Skrapar, Devoll, Pustec, Maliq, Mallakastër, Kolonjë Vlorë dhe Selenicë.

Aty do zbatohen të njëjtat rregulla të lëvizjes dhe fashave orare tashmë të përcaktuara paraprakisht për këto zona.

Pensionistët në bashkitë e lartpërmendura mund të lëvizin nga ora 6:00 deri në 8:30 të mëngjesit, ndërsa qytetarët e tjerë mund të lëvizin nga ora 9:30 deri në 17:30, jo më shumë se dy persona.

Përjashtim bëjnë qytetarët që kanë autorizim punë të cilët nuk kufizohen nga këto orare.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern