Sot është zhvilluar seanca gjyqësore ku është dhënë masa e sigurisë për 8 të arrestuarit pas protestës për shembjen e Teatrit Kombëtar.
Mësohet se Gjykata e Tiranës ka vendosur detyrim paraqitje për 6 protestues, ndërsa për 2 të tjerët arrest shtëpie.
Arrest shtëpie është dhënë për Erik dhe Endrit Mërtirin me afat deri në 3 qershor.
Ndërsa detyrim paraqitje është dhënë për: Kastriot Qeman; Ledion Xhoxhajn; Burim Tafilicën; Sokol Ndojkën; Bojken Abazi (kreu i Vetëvendosjes Tiranë; Romeio Libon.
Kujtojmë se ata ranë në pranga dy ditë më parë, në protestën që u zhvillua shumë pranë sheshit ku më parë ndodhej godina e Teatrit Kombëtar.
