Ndodhi më në fund! Ruçi kapet duke buzëqeshur për një arsye shumë të madhe

Kryetari i Kuvendit, z. Gramoz Ruçi, përshëndeti sot 9 Majin, Ditën e Europës. Në mesazhin e shpërndarë për mediet, Ruçi shkruan se kjo ditë është shumë e veçnatë dhe që na përkujton edhe një herë rëndësinë e madhe që ka projekti europian për një kontinent të bashkuar.

“Është një koinçidencë e bukur që Dita e Europës pason Ditën e fitores mbi fashizmin, mbarimin e Luftës së Dytë Botërore në kontinentin tonë dhe çlirimin e Europës. Prandaj Dita e Europës është Dita e Lirisë. Liria dhe të drejtat qytetare janë thelbi i Bashkimit Europian. I cili nga ana e tij është një ndër projektet më frymëzuese të njerëzimit. Europa është sinteza e vlerave perëndimore. Qytetërimi perëndimor është një ndër kulmet e zhvillimit bashkëkohor të njerëzimit. Ky qytetërim është i hapur dhe paqësor me qytetërimet e tjera dhe kjo hapje është tipari më emancipues i Europës.

9 Maji 2020 është e para Ditë e Europës, pasi Shqipëria ka merituar konsensusin e Këshillit  Europian për çeljen e negociatave të anëtarësimit. Qasja e Europës ndaj Ballkanit Perëndimor nuk është thjesht një politikë zgjerimi, por rikthimi i ballkanasve në shtëpinë dhe familjen e tyre. Me përfundimin e këtij projekti, e gjithë familja europiane do të kthehet në shtëpinë europiane. Mirënjohje të gjithë atyre që i janë përkushtuar dhe kontribojnë për këtë projekt. Një përshëndetje të veçantë kam sot për emigrantët shqiptarë, këta europianë shqiptarë, që i kanë lartësuar emrin atdheut të tyre në vendet e Bashkimit Europian.

Jam krenar që çelja e negociatave u arrit duke u shërbyer shqiptarëve si Kryetar i Kuvendit të tyre dhe si rezultat edhe i përpjekjeve e kontributit të Kuvendit të Shqipërisë.”, shkruan Kryetari i Kuvendit, z. Gramoz Ruçi,  në përshëndetjen e tij me rastin e 9 Majit, Ditës së Europës.

Por në këtë mesazh, Ruçi ka publikuar një foto me kreun e PD, Sassoli, ku të dy shfaqen duke buzëqeshur, gjë që për kryeparlamentarin shqiptarë është shumë e rrallë, pasi shpesh e shohim të tensionuar dhe vrenjtur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Por sic duket dita e Europës është një ditë shumë e veçantë dhe Ruçi i ka lejuar vetes që të dalë pak nga temperanenti që e karakterizon.