Ndodh për herë të parë/ Ruçi i heq fjalën Ramës në Kuvend, ia kthen kryeministri: Sa të jetë ky burri këtu…

Seanca e sotme parlamentare ka nisur me replika mes kryeministrit Edi Rama dhe deputetes së opozitës së re Rudina Hajdari.

Tema për interpelancë ka qenë shembja e Teatrit Kombëtar,  ku kreu i qeverisë ka rreshtuar fjalët e aktorëve të cilët kanë mbajtur qëndrimin pro ndërtimit të godinës së re.

Në një moment që kryeministri po fliste, atij i është mbyllur mikrofoni.

Menjëherë Rama ka folur për kryetarin e Kuvendit Gramoz Ruçi duke thënë se deputetët ta harrojnë fjalën e lirë dhe të kenë kohë pa limit për aq kohë sa ai të jetë duke drejtuar këtë sallë.

REPLIKAT NE SALLE:

Rama: Na thatë në 2013 kur na e mori Edvini se do bjeri shpejt. Erdhi 2015 po aty e keni prapë. Na thatë futuni në çadra se aty do bjerë. Pastaj Luli na tha dilni se fituam. Pastaj fitoi prapë Edvini dhe na thatë na e futi amerika. Erdhi 2019, ikët nga parlamenti por na ikën gjithë bashkitë dhe populli nuk u duk gjëkundi. Kur ikën të gjitha, na thanë oburra te unaza e re se aty do e kapim e s’ka më shans. E vetmja fitore ishte një natë që Edvini duke u kthye nga Vlora i ra nga Elbasani dhe ne, na ngeli vetëm libri i çunit të Fariut për unazën.

*Ruçi i heq fjalën

Ruçi: Mbaruan minutat zoti Kryeministër

Ruçi: Hape IT, hapja kryeministrit edhe një minutë

Rama-Murrizit: E more vesh ti që do fjalë të lirë?

Hajdari: Unë nuk të thirra këtu për të thënë se a duhet një Teatër të ri, sepse e dimë të gjithë se duhet, dhe ti s’kishe pse flisje për këtë por pse u shemb godina e vjetër dhe çfarë po synohet me atë truall? Përveç faktit se doni të ndërtoni kulla dhe këtë keni bërë, por tek teatri keni prekur shumnë njerëz, e bëtë në mënyrë barbare, dhunuat, nuk pyetët askënd.
Merre edhe 3 minutëshin tim që të sqarohesh, e kuptoj shumë mirë situatën në të cilën dolët pasi ju ka bërë për ujë të ftohë.

Rama: Dua të ndaj dhimbjen me deputetin që kërkoi lirinë, zyra e kryetarit më lajmëroi para se të vija këtu se kisha 20 minuta kohë për të folur në këtë interpelancë që keni kërkuar dhe replikë 3 minuta, ndërkohë që ta harrojë fjalën e lirë kolegu im para sa të jetë ky burri këtu. *Largohet nga foltorja