“Mos më kryqëzoni” Rama i përgjigjet Hajdarit me thëniet e aktorëve: Nuk kam çfarë them më për Teatrin

Kryeministri Edi Rama ka replikuar në Kuvend me deputeten Rudina Hajdari pasi kjo e fundit foli me tone të ashpra ndaj tij në lidhje me shembjen e godinës së Teatrit Kombëtar.

Ai është përgjigjur duke u shprehur se nuk ka më asgjë për të thënë në lidhje me këtë temë, por nuk ka ngurruar të citojë fjalët e aktorëve të cilët u rreshtuan pro ngritjes së godinës së re të Teatrit Kombëtar.

“Kur e nisën protestën për Teatrin, as ju as ata që janë kthyer në bijtë e lënduar të Shekspirit dhe Molierit jo vetëm nuk ishit aty por ju ishte thënë të mos dukeshit aty, aty ishin Robert Ndrenika dhe Arben Derhemi, jo dy Budinat, po i përgjigjem Hajdarit dhe gjithë të lënduarve për çështjen e Teatrit Kombëtar, duke përcjellë besnikërisht fjalët e protestuesve të vërtetë jo aktorëve politikë që luajnë Teatrin, te unaza e re te e vjetra apo aty ku bashkohen dy unazat

Robert Ndrenika: Mos më kryqëzoni kam qenë e jam për Teatër të ri e bashkëkohor që ka detyrë për ta bëjë shteti paratë ti marrë ku të dojë, ndoshta edhe aty ku i merrte Tito.

Arben Derhemi: Të mos preket trualli dhe të shpallet konkurs ekspertësh për Teatrin, skena na njeh kush jemi dhe sa vlejnë, ata që duan të bëjnë shfaqje jashtë tempullit janë jashtë historisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Bujar Asqeriu: Jam për unitetin dhe paqen sociale, nuk e mbështes protestën, unë në atë godinë nuk futem më se është sëmundje e kam thënë, nga ajo godinë që vdiqën shokët e mi më duket se jam sëmurur dhe unë, boll se u teprua

Reshat Arbana: Nëse një pjesë e territorit qenka e bashkisë le t’ja lërë teatrit, ta mendojnë specialistët, lërjani territorin teatrit

Paja: harrojmë gjërat kryesore dhe merremi me llac dhe tulla, TK e ka emrin TK dhe nuk duhet të vijojnë ata që banojnë në tiranë, por ata që e meritojnë

Enver Petrovci: Për mua është budallallëk mos me u ndërtu teatër i ri, jam kundër që toka ti falet dikujt, ai që ekziston nuk ka kurrfarë vlere”, citoi Rama një nga një emrat e njohur të artit shqiptar.