LIGJET E BIZNESIT
Presidenti Meta ishte sot në qytetin e Kavajës, ku është takuar me disa qytetarë, por edhe ka zhvilluar një vizitë në një monument kulturor të qytetit.
Bëhet fjalë për Xhamia Kubelie në Kavajë e ndërtuar në vitet 1700, por që gjatë vitit famëkeq, 1967 u shemb nga regjimi komunist.
Duke marrë shkas nga ky rast, Meta shkruan se vlerat kulturore dhe historiki që aktualisht i kemi, duhet të përpiqemi ti ruajmë dhe jo ti shkatërrojmë.
Postimi i Metës:
Xhamia Kubelie në Kavajë e ndërtuar në vitet 1700 është një prej vlerave të trashëgimisë tonë historike e kulturore, që për fat të keq provoi kazmën e regjimit diktatorial në vitin e zi 1967, si shumë objekte të tjera kulti.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Fatmirësisht nga ajo masakër kanë shpëtuar disa kolona, dëshmi se si arroganca e një pushteti mund të sjellë dëme të pariparueshme në çdo kohë për trashëgiminë tonë kombëtare e kulturore.
Duhet të jemi të vëmendshëm dhe të ndërgjegjshëm për të mbrojtur trashëgiminë kulturore dhe historike të vendit tonë, sepse çdo humbje është jo vetëm e parikuperueshme por edhe një cenim i identitetit tonë kombëtar, që nuk duhet lejuar të ndodhë më.
Na mjaftojnë kujtimet e hidhura të kazmave të komunizmit!
