LIGJET E BIZNESIT
Avokati Spartak Ngjela njihet për deklaratat e tij të herëpashershme me karakter të fortë e shigjetues ndaj figurave politike në vend.
Së fundmi, me anë të një reagimi avokati shkruan se banditizmit politik shqiptar po i ‘mblidhet laku’.
Ai lëshon akuza të forta dhe në drejtim të presidentit Ilir Meta për të cilin shprehet se ndodhet në dëshpërim.
“Banditizmit politik shqiptar po i mblidhet laku. Shqiptarët po presin shtrëngimin e këtij laku.
Ilir Meta sot nuk pranoi të presë ambasadoren amerikane.
Është në dëshpërim, sepse po shkon drejt shkarkimit. Por, në Shqipëri ka një shprehje shume domethënëse për aktin e Metës; është kjo: Qenit, kur i vjen ngordhja, shkon e urinon në derë të Bashkisë.
Sigurisht, politika amerikane u prononcua hapur dhe qartë me anë të ambasadores Yuri Kim: “ne dhe populli shqiptar duam dhe do të bëjmë reformën antikorrupsion”, tha ajo. Po Meta. Meta pritet të shkarkohet, dhe do të shkarkohet.”-shkruan Ngjela.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më tej, ai shkruan se ambasadorja amerikane po tregohet shumë aktive kundër korrupsionit të lartë shtetëror, ndërsa të koruptuarit e mëdhenj do shpronësohen.
“Gjithsesi, ajo çka është pozitive, është fakti që, në këtë kohë, ambasadorja amerikane po tregohet shumë aktive kundër korrupsionit të lartë shtetëror.
Kurse të korruotuarit e mëdhenj do të shpronësohen, por me ligj ama.
Tani shpresat, e dini ku i ka korrupsioni Berisha – Meta? Te aktorët e teatrit. Në fakt, kjo është komedi.
Por, a do të ketë dot një shkrimtar shqiptar që të na i shkruajë këtë komedi?
Komedia do të shkruhet, por sot mungojnë aktorët e mëdhenj të komedisë shqiptare, Mihal Popi dhe Viktor Gjoka, se nuk janë më mes nesh. Nuk ka gjë: është Robert Ndrenika, për Saliun, kurse Metës do t’i përshtatej shumë Mihal Popi. Por do të gjendet aktori… se komedia është ende në vazhdim.
Gjithsesi laku po mblidhet, kurse shqiptarët po presin me padurim shtrëngimin e tij”, thekson Ngjela.
