Masat e reja/ Nga zgjatja e orareve e deri te lëvizja pa autorizim, këto janë rregullat që hyjnë në fuqi sot

Pas dy muajve qëndrimi në karantinë, Shqipëria sot hyn në fazën e re të lehtësimit të masavë të marra në kuadër të frenimit të përhapjes së COVID19.

Kështu, shkollat janë hapur në të gjithë vendin për klasat e 12-ta.

Nga data 18 maj e deri në 5 qershor, nxënësit do të rikthehen në shkollë për të përsëritur njohuritë për provimet e maturës shtetërore.

Edhe baret e restorantet, do të hapen pas më shumë se dy muajsh mbyllje.

Këto biznese do të përdorin vetëm pjesën e jashtme të ambientit.

Ndërsa për sa i përket lëvizjes, fasha orare në zonat e kuqe do të jetë deri në orën 21:00 dhe nuk do të ketë më autorizime për këmbësorët dhe makinat në të gjithë vendin.

Sakaq, pritet që qeveria të ndryshojë aktin normativ për heqjen e ndalesës së studiove tv për të ftuar jo më shumë se një person. Do të mbetet vetëm kushti që të ftuarit të vendosen në distancë 2m nga njëri-tjetri.