Pasditen e djeshme, një aksident i rëndë ka ndodhur tek rrethrrotullimi TEG-Farkë. Duke iu referuar njoftimit të policisë bëhet e ditur, se një 20-vjeçar me makinë ka përplasur një 23-vjeçar, ky i fundit po drejtonte biçikletën.
Ndërkaq, si pasojë e plagëve të marra, bëhet me dije se shtetasi U. P., ka ndërruar jetë.
“Specialistët e Qarkullimit Rrugor bënë arrestimin në flagrancë të shtetasit E. H., 20 vjeç, banues në Tiranë, pasi ditën e djeshme, rreth orës 17:00, tek rrethrrotullimi TEG-Farkë, ka aksidentuar biçiklistin U. P., 23 vjeç, i cili si pasojë e plagëve të marra ka ndërruar jetë”, thuhet në njoftimin e policisë.
