Lushnjë/ Aksidentohet ambulanca, vdes pacienti që po transportohej drejt Tiranës

Një tjetër aksident është shënuar pak moment më parë në aksin rrugor Fier-Lushnjë. Duke iu referuar informacioneve paraprake, një ambulancë që vinte nga Saranda, është përplasur me një automjet tip Mercedez-Benz.

Si pasojë e këtij aksidenti ka humbur jetë pacienti që po transportohej drejt Tiranës.

Në autoambulancë ndodheshin edhe 3 persona të tjerë, familjarë të pacientit.

Njoftimi i policisë:

Sot rreth orës 17:50, në aksin rrugor Fier-Lushnje, në afërsi të fshatit Krutje, një ambulancë që po transportonte një pacient drejt Tiranës, ka dalë nga rruga.

Si pasojë ka ndërruar jetë pacienti, shtetasi M.M, 62 vjeç, dhe është dëmtuar drejtuesi i ambulancës, shtetasi N.H, 55 vjeç, banues në Sarandë, i cili ndodhet në spitalin e Lushnjes nën kujdesin e mjekëve. Grupi hetimor ndodhet në vendngjarje dhe po punon për zbardhjen e plotë të rrethanave të kësaj ngjarje.