LIGJET E BIZNESIT
Monika Kryemadhi, Kryetarja e Partisë Socialiste, sapo ka mbërritur në sheshin e Teatrit Kombëtar. Ajo ka njoftuar se do të qëndrojë atje gjithë natën deri në orën 09:00 të mëngjesit të nesërm. Atje ndodhet bashkë me aktivistët e tjerë për të mos lejuar shembjen e Teatrit.
Në një deklaratë të bërë, Kryemadhi ka thënë se ndodhet atje si qytetare dhe jo si kryetare partie.
Monika Kryemadhi është shprehur:
Njerëzit skeptikë që nuk kanë besim te politika mund ta quajnë sikur Monika po e bën këtë për pushtetin. Në këtë rast Monika nuk po thërret 100 mijë vet në shesh si Rama, por unë në këtë rast kam ardhur si qytetare dhe kam dezhurnin për të ruajtur Teatrin dhe nuk kam nevojë për të thirrur simpatizantë të LSI.
Ndër të tjera, Kryemadhi tha se do të respektojnë distancën gjatë protestës së tyre. “Jam unë ajo që kam detyrë që kur të vijnë fadromat të lajmërojë Bashën dhe aktivistët e Aleancës për Mbrojtjen e Teatrit.”, tha Kryemadhi.
Gjithashtu kryetarja e LSI-së shtoi:
Në ambiente të hapura covid-19 nuk shpërndahet dhe as bakterët e tjerë me përbërës kimik laboratorik. Ne do protestojmë duke mbajtur distancë dhe duke pasur njëlloj rregullash dhe masash. Kemi marrë dhe termometër për të parë mos vjen ndonjë person tjetër i panjohur, por nuk ka të drejtë të rrijë pranë Teatrit Kombëtar.
