Kapri: Në 2021 kemi 100 vjetorin e zgjedhjeve të lira në Shqipëri

Në një postim në rrjetin social Facebook, studiuesi Erald Kapri shkruan se vitin e ardhshëm kemi 100 vjetorin e zgjedhjeve të lira në Shqipëri.

Më tej, Kapri shkruan se në vitin 1921 u zhvilluan zgjedhjet e para demokratike. Atëhere nuk kishte “reformë zgjedhore”, as traditë demokratike, por vlera dhe elitë politike e intelektuale.

Gjithashtu në postim Kapri kujton që asokohe kujton se ministër i Brendshëm qëlloi Mehdi Frashëri i cili u dërgonte këtë urdhër Prefekturave për mbarëvajtjen e zgjedhjeve

Postimi i plotë:

Vitin e ardhshëm kemi 100 vjetorin e zgjedhjeve të lira në Shqipëri. Saktesisht, në 1921 u zhvilluan zgjedhjet e para demokratike. Atëhere nuk kishte “reformë zgjedhore”, as traditë demokratike, por vlera dhe elitë politike e intelektuale. Minister i Brendshëm qëlloi Mehdi Frashëri i cili u dërgonte këtë urdhër Prefekturave për mbarëvajtjen e zgjedhjeve. Frashëri u kërkon nëpunësve të shtetit të mos përfshihen në fushatë, forcave të policisë të kujdesen për zgjedhjet ndërsa Prefektët të raportojnë për çdo incident të mundshëm. Si ka mundësi që jemi më keq se para 100 viteve?! E thotë dot njeri? Ja pra çfarë i bëri komunizmi këtij vendi.