“Ka ndodhur ilegalisht në Golem” Murrizi flet për një takim të fshehtë mes Ramës, Bashës dhe Metës

Deputeti i opozitës së re Myslym Murrizi ka bërë mbrëmjen e djeshme një deklaratë shumë të fortë.

Ai është shprehur se kryeministri Edi Rama, kryetari i PD Lulzim Basha dhe presidenti Ilir Meta kanë bërë një takim të fshehtë në Golem.

Murrizi është shprehur në “Repolitix” se reagimi i ashpër i ambasadores së SHBA Yuri Kim ka ardhur pikërisht prej këtij takimi, ku ajo foli ndër të tjera dhe për marrëveshje të fshehtë kundër Reformës së Drejtësi.

PJESE NGA BISEDA

Murrizi: Reagimi i ambasadës Amerikane ka ardhur pas takimit të Ramës, Bashës dhe Metës në Golem. E dinë këtë ustallarë. Zoti Duka nuk ka qenë. Nuk besoj se ai sinjal vjen për takimin publik të Metës me aleatët e PD-së, se ai ka qenë i hapur. Takimi i Metës me Bashën, Mediun dhe Dulen e Shehut është takim publik me kamera, ka qenë ditë e enjte në mëngjes. E ka fjalën për takime jashtë kamerës, takimi i këtyre që e quan “thikë pas shpine”. Meta ka firmosur ndryshimin e Kodit Penal, nuk është pjesë e një pazari pas kurrizi. Nuk e ka për takimin legal, po për takimin ilegal.

Koçi: Po të kishte takim të tillë Meta s’do ishte kaq nervoz

Murrizi: Ndoshta kanë mbetur të pakënaqur nga takimi.

Koçi: Është riaktivizuar nervozizmi i Metës

Murrizi: Unë nuk jam psikolog, e njeh ti më mirë. Meta është acaruar për hatër të mospasjes, mendoj se është acaruar nga takimi. Ajo zona ka reaguar për këtë.