“Ja si të aplikoni në e-albania” Ministri Klosi shpjegon rregullat se si do të funksionojë sivjet plazhi

Ditën e sotme ministri i Turizmit Blendi Klosi ka zhvilluar një inspektim nga afër në qytetin e Vlorës për të kontrolluar masat që janë marrë kundër përhapjes së COVID19 përpara nisjes së sezonit turistik.

Ai ka treguar se afati i këtij sezoni do të zgjatet deri më 15 nëntor, si një mënyrë që bizneset  të kenë mundësi të rikuperojnë të ardhurat që humbën nga ditët e karantinës në muajt prill dhe maj.

Ndër të tjera ai ka paralajmëruar se do të ketë gjoba për bizneset që shkelin rregullat, si dhe nuk përjashtohet edhe heqja e licensës.

Ministri gjithashtu ka shpjeguar rrugën se si aplikohet në e-albania,  me aplikimet që nisin nga 1 qershori deri në 15 qershor.

“Hotelet do të aplikojnë për zonën që kanë para hotelit të tyre. Për sipërfaqe të tjera ata të vijës së dytë. Duke plotësuar 80% të plazheve për tja lënë 20 % publikut. Zakonisht plazhet pranë zonave të banuara do të jenë publike. Por dhe për ato plazhe të caktuara si private kur nuk ka kërkesa do t’i kalojnë publikut. Për mos respektim të protokollit të shëndetësisë do të ketë gjoba shumë të forta deri në sekuestrimë të pasurisë shezlloneve dhe heqie të liçencës”, tha ministri Klosi.

Në e albania aplikimet nisin nga 1 qershori deri në 15 qershor, në mënyrë që më 1 korrik gjithçka të jetë gati. Aplikimi në e albania është shumë i thjeshtë, aplikohet dhe nga telefoni. Vendos numrin e NIPTIT, do të dëshmojë që posedon një hotel, vetdeklarimin e kushteve të higjenës. Pra numri i banjove, dusheve. Keto janë 3 dokumenta. Pastaj do të zgjedhë numrin e parcelës sipas kodit në hartën dixhitale, për të cilën dëshironë të aplikojë si dhe një foto. Për dy, 3 ditë do të vlerësohet nga komisioni me përfaqësi nga Ministria e Turizmit dhe Shëndetësisë maksimumi 5 ditë. Pastaj do të paguaj faturën e bashkisë dhe do të lidhë kontratën me bashkinë, bayëatchin, etj. Për të zëvendësuar kohën e humbur, ditët e marsit, prillit, majit me kërkesë dhe të operatorëve turistikë do të shtyjmë sezonin deri në 15 nëntor në mënyrë që dhe ju të keni mundësi të paguani faturat dhe taksat”-u shpreh ai.