Që prej dy javësh janë hapur autoshkollat në vendin tonë prandaj të gjithë duhet të respektojnë masat e marra anti-Covid.
Mësohet se jot ë gjitha i kanë marrë parasysh rregullat dhe i zbatojnë ato. Për këtë arsye, Drejtoria e Përgjithshme e Shërbimit të Transportit Rrugor ka paralajmëruar se do të merren masa drastike ndaj gjithë subjekteve që nuk respektojnë rregullat.
DPT në bashkëpunim me Policinë e Shtetit do të monitorojnë dhe kontrollojnë klasat mësimore.
Nëse do vihet re shkelje dhe moszbatim i masave, atëherë autoshkollave do t’u vihet gjobë ose do të mbyllen.
Deklarata e Drejtorisë së Përgjithshme te Shërbimit e Transportit Rrugor:
Zbatimi i masave anti-Covid 19 nga ana e autoshkollave është detyrim ligjor. DPSHTRR dhe Task-Forca e Transportit Rrugor vijon monitorimin dhe kontrollet në klasa e në procesin mësimor që ka rinisur nga 11 Maji. Nuk do të donim kthim mbrapa ndaj disiplina, kujdesi, serioziteti në mbrojtjen e aplikantëve dhe personelit ka rëndësi të jashtëzakonshme për jetën dhe vijimin e aktivitetit ekonomik të këtij sektori. Çdo mangësi apo pakujdesi do jetë subjekt penalizimesh edhe nga Njësia Operacionale Anti-Covid (Task-Forca ndërinstitucionale) dhe Policia e Shtetit.
E rëndësishme është distance 1.5 m dhe rregullat e higjenës në teori.
Nga 18 maji nisi edhe instruksioni në rrugë, ku nuk lejohej më shumë se një praktikant në kabinë.
Gjithashtu të jenë të pajisur me maska, doreza dhe dezinfektime. Autoshkollat duhet të koordinohen paraprakisht me drejtoritë rajonale për të shmangur tejkalimin e kapaciteteve të lejuara për testim konform protokolleve të masave të sigurisë.
