LIGJET E BIZNESIT
Regjisori Altin Basha, i rreshtuar krah artistëve dhe personave që ishin pro shembjes së godinës ekzistuese të Teatrit Kombëtar shprehet se godina e rrënuar lindi për të mos qenë teatër dhe s’u bë kurrë.
Në emisionin “5 pyetje nga Babaramo”, regjisori Basha tha se periudha e fundit kur artistë e aktivistë të Aleancës për Teatrin u “ngujuan” në Teatër krijoi një gjendje agonie e të padurueshme.
“Në pamje e trishtueshme, por nuk është pa arsye, nuk është një gjë që do të mbetet ashtu, do nisin punimet e një teatri të ri. Ajo ndërtesë lindi për të mos qenë teatër, u adoptua, po nuk u bë kurrë teatër. Është përfundimi i një procesi 3-vjeçar. Periudha e fundit u bë krejtësisht agonie, rrinin njerëz që nuk e dinin ca bënin, shfaqje të improvizuara, të paverifikuara, u bë një gjendje e padurueshme, që nuk kishte sens, duhet të merrte drejtim kjo gjë”, tha Basha.
